គ្រាន់តែឃើញចំណងជើង លោកអ្នកប្រហែលគិតថា៖ បើងាយដូចនិយាយមែន? គេឈប់ធ្វើការងារ ជួញដូរអស់ហើយ! កុំចេះតែនិយាយ គ្មានភស្តុតាងណា៎!
វាជាការពិត ដែលទឹកប្រាក់ 10,000 ដុល្លារ មិនមែនងាយរកនោះទេ តែវាប្រាកដដែរថា Google នឹងផ្តល់ជូនលោកអ្នកនូវចំនួនទឹកប្រាក់ដ៏ច្រើននេះបាន ដោយគ្មានស្ទាក់ស្ទើរ ។Google Adsense ជាសេវាកម្មមួយរបស់ក្រុមហ៊ុន Google ដែលលោកអ្នកអាចចុះឈ្មោះ ដើម្បីក្លាយជាអ្នកផ្សព្វផ្សាយ (Publishers) ឲ្យ Google បាន ។
តើអ្នកឆ្ងល់ទេថា Google បានលុយមកពីណា ទើបអាចផ្តល់ជូនលោកអ្នកបាន? ងាយយល់ទេ!Google ជាឈ្មួញកណ្តាលម្នាក់ ដែលទទួលលុយពី អ្នកចង់ផ្សព្វផ្សាយទំនិញ ឬសេវារបស់ខ្លួន ដោយប្រើប្រាស់សេវា Google Adword។បន្ទាប់មក Google នឹងបញ្ជូនការផ្សព្វផ្សាយទាំងនោះ ទៅតាមអ្នកដែលមាន Blog, គេហទំព័រ,Youtube Channel,កម្មវិធីទូរសព្ទដៃទាំងឡាយដែលបានចុះឈ្មោះជាមួយសេវាGoogle Adsense
ក. រកលុយតាមរយៈការសរសេរ Blog
ការសរសេរអត្ថបទ បច្ចេកទេស និងគន្លឹះណាមួយ ជាការពេញនិយមមួយបែប សម្រាប់អ្នកដែលអាចរកលុយពី Google Adsense បាន ។ លោកអ្នកគ្រាន់តែជ្រើសរើស ប្រធានបទជាក់លាក់ណាមួយ លើកយកមកសរសេរចែករំលែកទៅកាន់អ្នកដទៃ នោះលោកអ្នកនឹងទទួលបានលុយពី Google Adsene ទៅហើយ!
ខ. រកលុយពី Youtube
សម្រាប់លោកអ្នកដែលមានជំនាញក្នុងការបង្កើតវីដេអូ ក្នុងគោលបំណងចែករំលែកតាមរយៈគេហទំព័រ Youtube ក៏អាចរកប្រាក់គ្រាន់បើផងដែរ ។ ប្រភេទវីដេអូទាំងនេះ ត្រូវជាកម្មសិទ្ធិផ្ទាល់របស់លោកអ្នក ឬត្រូវបានបង្កើតដោយខ្លួនអ្នក ។ ការចម្លងយកវីដេអូ ពី Youtube Channel ដទៃ ឬចម្លងចេញពីឌីស CD/DVD នឹងមិនត្រូវបានអនុញ្ញាតឲ្យដាក់ចូលក្នុង Youtube ឡើយ (បើទោះជាដាក់បាន ក៏មិនបានយូរអង្វែងដែរ) ។ លោកអ្នកអាចចុះឈ្មោះ Youtube Channel ដែលទទួលបានចំនួនអ្នកគាំទ្រ និងទស្សនាច្រើន នឹងមានឱកាសទទួលបានប្រាក់ច្រើន ទៅតាមនោះដែរ ។
គ. រកលុយពីកម្មវិធីទូរសព្ទដៃ
ការនិយមរបស់អ្នកប្រើប្រាស់អ៊ីនធឺណេត ទូទាំងសកលលោក ពីការប្រើប្រាស់កុំព្យូទ័រលើតុ មកជាកុំព្យូទ័រយួរដៃ រហូតមកដល់បច្ចុប្បន្ននេះ ទូរស័ព្ទឆ្លាតវៃ – SmartPhone ក្លាយជាឧបករណ៍ពេញនិយមជំនាន់ក្រោយគេ ដែលត្រូវបានអ្នកប្រើប្រាស់ ទាំងចាស់ ទាំងក្មេង ។ ពីមួយជំនាន់ទៅមួយជំនាន់ទូរសព្ទឆ្លាតវៃ បានអភិវឌ្ឍបំពេញតម្រូវការអ្នកប្រើប្រាស់ទាំងនោះ ។ ហេតុនេះហើយបានជា កម្មវិធីលើទូរសព្ទដៃដែលអាចជួយសម្រួលការងារពួកគេ បានក្លាយជាចំណុចមួយ ដែលអ្នកប្រើប្រាស់អ៊ីនធឺណេតប្រាថ្នាចង់បាន ។ លោកអ្នកអាចប្រើប្រាស់សេវា Google AdMob ដែលជាសេវារបស់ក្រុមហ៊ុន Google ផងដែរ ក្នុងការដាក់បង្ហាញផ្ទាំងផ្សាយពាណិជ្ជកម្ម ទៅឲ្យអ្នកប្រើប្រាស់កម្មវិធីទូរសព្ទទាំងនោះ ។
ធ្វើម៉េចទើបរកបាន ដល់រាប់ម៉ឺន?
ក្រុមហ៊ុន Google នឹងផ្តល់ជូនលោកអ្នកនូវទឺកប្រាក់ ទៅតាមវិធី និងគោលការណ៍ដែលពួកគេបានកំណត់ ។ អ្វីដែលលោកអ្នកត្រូវគិតជំហានដំបូងគេ មុននឹងចាប់ផ្តើមចង់បានប្រាក់ពី Google Adsense នោះគឺ ធ្វើយ៉ាងណាឲ្យមានចំនួនអ្នកចូលមើល និងប្រើប្រាស់ជាប្រចាំ (Blog ឬគេហទំព័រ, Youtube Channel និងកម្មវិធីទូរសព្ទដៃ) ។ ល្គឺកណា ចំនួនអ្នកមើល និងប្រើប្រាស់កាន់តែច្រើន លោកអ្នកក៏អាចរកប្រាក់បានកាន់តែច្រើនផងដែរ ។
ឧទាហរណ៍៖ លោកអ្នកមាន Blog មួយដែលនិយាយពីដំណើរការកម្សាន្តនៅកន្លែងផ្សេងៗ ដែលអមជាមួយរូបភាព ពេលអាន និងមើលហើយពិតជាគួរឲ្យចង់ទៅលេងទីនោះ ។ ទន្ទឹមគ្នានោះ លោកអ្នកបានបង្កើត Youtube Channel ដែលលោកអ្នកនឹង Upload វីដេអូទាក់ទងនឹងកន្លែងកម្សាន្តនីមួយៗ ឬបង្ហាញពីវប្បធម៌ប្រចាំតំបន់ជាដើម ។ បន្ថែមលើនេះ លោកអ្នកក៏អាចបង្កើតជាកម្មវិធីទូរសព្ទដៃ ដែលអាចឲ្យអ្នកអានរបស់អ្នក អាចងាយស្រួលអានអត្ថបទ លើទូរសព្ទដៃ របស់ពួកគេ ផងដែរ ។
សរុបមកវិញ បើលោកអ្នកមានចំនួនអ្នកចូលមើល Blog ជាប្រចាំ 500,000 នាក់ - មើលវីដេអូតាម Youtube Channel ចំនួន 700,000 ដង និងអ្នកប្រើប្រាស់កម្មវិធីទូរសព្ទដៃ ជាង 5,000,000 នាក់ នោះលោកអ្នកនឹងទទួលបានប្រាក់ច្រើនជាង 10,000 ដុល្លារទៀតផង ពី Google Adsense និងសេវារកលុយដទៃទៀត ។
សេចក្តីសន្និដ្ឋាន
វិធីទាំងបី ខាងលើនេះ អាចឲ្យលោកអ្នករកប្រាក់ចំណូលបានរាប់ពាន់ រហូតដល់ម៉ឺន ឬលើសពីនេះទៀត អាស្រ័យលើការព្យាយាម និងបច្ចេកទេសសិក្សាស្វែងយល់របស់លោកអ្នក ជាមួយ Google Adsense ។ ចំនួនអ្នកដែលអាចរកប្រាក់ចំណូលពី Google Adsense មានច្រើនលើសលុប តែលោកអ្នកមិនទាន់បាត់បង់ឱកាសឡើយ ។ សូមចំណាំថា ប្រសិនបើលោកអ្នកអាចបំពេញសេចក្តីត្រូវការរបស់មនុស្ស ឬអាចជួយសម្រួលការងាររបស់ពួកគេបាន លោកអ្នកនឹងអាចរកប្រាក់ ដោយគ្មានដែនកំណត់ ។
